Assamese Essay | অসমীয়া ৰচনা provided in our website can be of great help in the examination. You will get Essays on all important topics to Prepare for Class 6 to 12.
This is an essay on mur priyo hahitik in the Assamese language. This essay, in about 300 words, will be very helpful to Assamese medium as well as English medium students. This essay on mur priyo hahitik in Assamese language will be very easy to understand and hence easy to prepare for the Assam Board Exam.
প্ৰিয় সাহিত্যিক
আৰম্ভণি
আমি সকলোৱে বিভিন্ন ধৰণৰ কিতাপ, উপন্যাস আদি পঢ়ো, আৰু সকলোৰে এজন নিৰ্দিষ্ট প্ৰিয় লেখক থাকে যাৰ লিখনি আৰু চৰিত্ৰসমূহে আমাক বাৰুকৈ আপ্লুত কৰে । এজন পঢ়ুৱৈ হিচাপে মই বহুতো সাহিত্যিকৰ লিখনি পঢ়িছো যেনে, লক্ষ্মীনাথ বেজবৰুৱা, চন্দ্ৰ কুমাৰ আগৰৱালা, ভবেন্দ্ৰনাথ শইকিয়া আদি। কিন্তু সকলোৰে ভিতৰত মোৰ প্ৰিয় হৈছে লক্ষ্মীনাথ বেজবৰুৱাদেৱ । তেখেতে সৰল আৰু আকৰ্ষণীয় ভাষাৰে বহুতো চুটি গল্প, নাটক, উপন্যাস আদি ৰচনা কৰি থৈ গৈছে।
লেখকৰ পৰিচয়
লক্ষ্মীনাথ বেজবৰুৱা এজন উৎকৃষ্ট লেখক আছিল। তেওঁ মোৰ প্ৰিয় লেখক হোৱাৰ পিছত মই তেওঁৰ ব্যক্তিগত জীৱনৰ বিষয়ে জানিব পাৰিলো। বেজবৰুৱাদেৱৰ জন্ম হৈছিল নগাঁৱৰ আহতগুৰিৰ ওচৰত ১৪ অক্টোবৰ ১৮৬৮ চনৰ লক্ষ্মী পূৰ্ণিমাৰ দিনা। তেখেতৰ পিতৃৰ নাম আছিল দীননাথ বেজবৰুৱা আৰু মাতৃ আছিল থানেশ্বৰী দেৱী। দীননাথ বেজবৰুৱা ব্ৰিটিছ চৰকাৰৰ এজন জ্যেষ্ঠ বিষয়া আছিল আৰু সেয়ে পিতৃৰ কৰ্মসূত্ৰে লক্ষ্মীনাথ বেজবৰুৱাদেৱে তেওঁৰ শৈশৱ অসমৰ বিভিন্ন ঠাইত অতিবাহিত কৰিছিল। তেওঁ শিৱসাগৰ হাইস্কুলৰ পৰা প্ৰাৰম্ভিক শিক্ষা লাভ কৰে আৰু ১৮৮৬ চনত প্ৰৱেশিকা পৰীক্ষাত উত্তীৰ্ণ হয়। তাৰ পিছত ১৯০৮ চনত কলিকতা চিটি কলেজৰ পৰা স্নাতক ডিগ্ৰী লাভ কৰে। স্নাতক হোৱাৰ পিছত বেজবৰুৱাদেৱে কলিকতা বিশ্ববিদ্যালয়ত এম এ আৰু আইনৰ শিক্ষা লয় যদিও ডিগ্ৰী নোলোৱাকৈ সমাপ্ত কৰে। সেই সময়তে অসমৰ প্ৰখ্যাত ব্যৱসায়ী ভোলানাথ বৰুৱাৰ লগত লগ লাগি কাঠৰ ব্যৱসায় আৰম্ভ কৰে। লক্ষ্মীনাথ বেজবৰুৱাই মহান কবি ৰবীন্দ্ৰনাথ ঠাকুৰৰ ভতিজী প্ৰজ্ঞাসুন্দৰী দেৱীক বিয়া কৰায়। ১৯৩৮ চনৰ ২৬ মাৰ্চত ডিব্ৰুগড়ত লক্ষ্মীনাথ বেজবৰুৱাদেৱৰ মৃত্যু হয়।
সাহিত্যলৈ অৱদান
লক্ষ্মীনাথ বেজবৰুৱা জোনাকী যুগৰ এজন সাহিত্যিক আছিল। তেখেতৰ ৰচনাৰাজি হৈছে:-
আত্মজীৱনী - মোৰ জীৱন সোঁৱৰণ ।
গল্পপুথি- সুৰভী, সাধুকথাৰ কুঁকি, জোনবিৰি, কেহোঁকলি।
ধেমেলীয়া নাটক - লিটিকাই, নোমল, পাচনি, চিকৰপতি নিকৰপতি।
উপন্যাস- পদুম কুৱৰী।
কবিতা সংকলন- কদমকলি, পদুমকলি।
শিশু সাহিত্য- বুঢ়ী আইৰ সাধু, জুনুকা, ককাদেউতা আৰু নাতিল'ৰা।
ইয়াৰ উপৰি তেখেতে "বাহী" আলোচনীখন সম্পাদনা কৰিছিল।
প্ৰিয় হোৱাৰ কাৰণ
মই লক্ষ্মীনাথ বেজবৰুৱাদেৱক তেওঁৰ হাস্যৰস আৰু সৃজনশীলতাৰ বাবে ভাল পাওঁ। তেওঁ জানিছিল কেনেকৈ শিশুসকলৰ মন কৌতুহলী কৰি ৰাখিব লাগে। আটাইতকৈ গুৰুত্বপূৰ্ন কথাটো হ'ল, তেওঁৰ কিতাপবোৰৰ দৃষ্টান্তবোৰে মোক সদায় আকৰ্ষিত কৰিছিল। অনন্য ব্যক্তিত্বৰ সৈতে বিচিত্ৰ চৰিত্ৰবোৰ পঢ়ি অনন্দিত হওঁ। শেষত, তেওঁৰ ভাষা ইমান সৰল যে সহজে বুজি পোৱা যায়।
সামৰণি
সাহিত্যৰথী ৰসৰাজ লক্ষ্মীনাথ বেজবৰুৱাদেৱে অসমীয়া সাহিত্যক ৰসাল কৰি থৈ গৈছে। তেখেতৰ নাম অসমীয়া সাহিত্যত সদায় সোনৰ দৰে জিলিকি থাকিব।
